Gërdeci- Banorët 700 ankesa për mënyrën e dëmshpërblimeve

Nuk ka nisur ende si duhet shpërndarja e fondit për dëmet e shkaktuara në Gërdec megjithëse ky plan ishte parashikuar të niste sot .Për çështjen në fjalë banorët kanë shfaqur pakënaqësi duke grumbulluar kështu plot 700 ankesa deri tani. Sipas të dhënave nga Gërdeci mësohet se një pjesë e mirë e qytetarëve nuk arrijnë të gjejnë emrat në listë, ndërkohë që të tjerë nuk janë dakord me shumën që iu është përcaktuar, duke i konsideruar dëmet e shkaktuara nga shpërthimet shumë herë më të mëdha.