Germimet per inerte rrezikojne uren mbi Devoll

Elbasan- Nje ure 40 vjecare mbi lumin Devoll te Elbasanit rrezikon te shembet. Shkaku eshte gerryerja e kembeve te saj nga uji, ngaqe shtrati i lumit eshte ulur prej shfrytezimit te inerteve pa kriter. Ura ndodhet mbi lumin e Devollit, ne dalje te Gostimes. Autoritetet dhe banoret kerkojne nderhyrjen e shtetit per te shmangur kete shembje. Pervecse lidh zonen e Suloves me mbi 20 mije banore, ura sherben edhe per destinacionet e mjeteve dhe udhetareve nga Berati e Kucova me rrugen e shkurter drejt qytetit te Elbasanit. Ura ka nje gjatesi prej 200 metrash dhe eshte ndertuar rreth kater dekada me pare. Aktualisht kembet e ures kane dale ne siperfaqe si pasoje e germimeve te bera ne shtratin e lumit, qe nga koha e ndertimit te diges se hidrocentralit te Banjes dhe per marrjen e materialeve inerte. Kembet e ures mesohet se jane gerryer 2-3 metra. Sipas banoreve, ka qene nje tabele ku shkruhej se lejoheshin ngarkesa deri ne 13 tone, kurse aty kalojne makina te tonazhit te rende.