Giffoni: Duhet biseduar për jetën e qytetarëve në veri
Prishtinë, 9 gusht - Kosova dhe Serbia duhet të bisedojnë pa i emërtuar temat, në frymën e bashkëpunimit regjional dhe duke i respektuar vijat e kuqe të njëra-tjetrës, ka thënë në një intervistë për "Kohën Ditore" ambasadori italian në Kosovë Michael Giffoni.
Sipas këtij diplomati, që është edhe lehtësues i BE-së për veriun, Prishtina dhe Beogradi duhet që të dialogojnë për jetën e qytetarëve serbë në veri dhe gjithandej Kosovës. Sipas tij, aranzhimet “fleksibile që përmirësojnë jetën e qytetarëve nuk duhet parë si shkelje e sovranitetit të Kosovës”, gjë që nuk e dëshiron asnjë vend që e ka njohur shtetin e ri.
Giffoni nuk ka dashur që t`i komentojë paralajmërimet e EULEX-it për arrestime në veri, duke thënë se këto çështje i takojnë ekskluzivisht misionit evropian për sundimin e ligjit. Sipas tij, EULEX-i e ka mbështetjen e plotë në luftimin e "rrjeteve të errëta kriminale", por duhet që të fokusohet edhe në ndërtimin e potencialit që do ta bënte shoqërinë kosovare më rezistuese ndaj korrupsionit.
Giffoni konfirmon se BE-ja ende po bën përpjekje ta bindë Serbinë që para Asamblesë së Përgjithshme të prezantohet një rezolutë e përbashkët. Për këto dhe të tjerat që i ka thënë ambasadori italian në një intervistë të gjatë gati një faqe e gjysmë mund të lexoni gjerësisht në numrin e sotëm të Kohës Ditore.
Sipas këtij diplomati, që është edhe lehtësues i BE-së për veriun, Prishtina dhe Beogradi duhet që të dialogojnë për jetën e qytetarëve serbë në veri dhe gjithandej Kosovës. Sipas tij, aranzhimet “fleksibile që përmirësojnë jetën e qytetarëve nuk duhet parë si shkelje e sovranitetit të Kosovës”, gjë që nuk e dëshiron asnjë vend që e ka njohur shtetin e ri.
Giffoni nuk ka dashur që t`i komentojë paralajmërimet e EULEX-it për arrestime në veri, duke thënë se këto çështje i takojnë ekskluzivisht misionit evropian për sundimin e ligjit. Sipas tij, EULEX-i e ka mbështetjen e plotë në luftimin e "rrjeteve të errëta kriminale", por duhet që të fokusohet edhe në ndërtimin e potencialit që do ta bënte shoqërinë kosovare më rezistuese ndaj korrupsionit.
Giffoni konfirmon se BE-ja ende po bën përpjekje ta bindë Serbinë që para Asamblesë së Përgjithshme të prezantohet një rezolutë e përbashkët. Për këto dhe të tjerat që i ka thënë ambasadori italian në një intervistë të gjatë gati një faqe e gjysmë mund të lexoni gjerësisht në numrin e sotëm të Kohës Ditore.