Gilardino nuk varet nga Prandelli

Menaxheri i sulmuesit të Fiorentinës, Alberto Gilardino, ka mohuar spekulimet se klienti i tij do të largohet nga klubi nëse Cesare Prandelli nuk mbetet në postin e trajnerit për sezonin e ardhshëm.

“Gilardino ka kontratë trevjeçare me Fiorentinën, ai është duke u paraqitur mirë dhe është i lumtur në klub. Kontratat duhen respektuar. Nuk është e vërtetë se Gilardino do të ndërrojë klubin nëse largohet Prandelli”, tha Marcello Bonetto.