Gjate ketij 6 mujori kane ndodhur 56 aksidente

Sektori i ndertimit vazhdon te jete me problematiku per sa i perket numrit te aksidenteve ne pune. Megjithese, sipas Thoma Micos, drejtor i Inspektoratit Shteteror te Punes, rezulton se numri i aksidenteve ne pune ka shenuar renie ne keto 6 muaj te pare te vitit, krahasuar me te njejten periudhe te vitit te kaluar, serish ndertimi mbetet problematik. Gjate analizes 6-mujore te ketij institucioni, u theksua se numri i aksidenteve ne kete pjese te pare te vitit llogaritet ne 56, nga te cilat 7 raste me pasoje vdekjen. Ndersa vitin e kaluar numeroheshin 111 aksidente, nga te cilat 26 me pasoje vdekjen. "Rezultati lidhet me inspektimin cilesor dhe efektiv te biznesit", tha Mico, duke nenvizuar se jemi fokusuar ne ndarjen e bizneseve te medha sipas llojit, numrit te punemarresve, shkalles se rrezikshmerise te vendit te punes, etj, te cilat kane sjelle rritjen e efektivitetit te inspektimit. Nga ana tjeter, ai theksoi se edhe vete biznesi duhet te permiresoje kushtet e punes. Te dhenat e ISHP-se tregojne se aksidentet ne pune pergjithesisht ndodhin nga mungesa e kushteve te punes, perdorimi i teknologjive te vjetra, moszbatimi i rregullave te sigurimit teknik, niveli i ulet i kualifikimit te punemarresve, per te cilat ISHP, u kerkon te gjitha subjekteve qe te marrin masa. Qellimi i inspektimeve, vuri ne dukje Mico, "nuk eshte venia e gjobave, por zbatimi i ligjit dhe ndergjegjesimi i subjekteve per domosdoshmerine e njohjes dhe zbatimit te Kodit te Punes". Ai u kerkoi inspektoreve qe te vazhdojne te evidentojne nga afer te gjitha shkaqet e mundshme te aksidenteve dhe ne bashkepunim me institucione te tjera, te hartojne raporte teknike sa me transparente. Nderkohe qe per periudhen ne vazhdim do t’i jepet perparesi kualifikimit te inspektoreve te punes dhe kontrolloreve per te rritur eficencen dhe efikasitetin ne pune, konform nje profili te percaktuar ne baze te standardeve evropiane.