Gjendet nje bebe e braktisur ne Sauk

Një foshnjë e seksit mashkull rreth 4 muajshe është braktisur pranë fshatit Sos dhe Shtëpisë së Foshnjave në Sauk në Tiranë.

Foshnja është gjendur në gjëndje të mirë shëndetësore nga rojat e shtëpisë së fosnjave, në një karrocë, e mbledhur me batanije për ta mbrojtur nga të ftohtët.

Në karrocë ishte dhe një bidon me qumësht dhe një letër, në të cilën ishte shënuar data e lindjes 3.8.2012, një numër telefon me prefiksin e Italisë dhe një shënim “S’mundem”...

Policia nisi hetimet, ndërsa personi që en ka lënë karrocën me foshnjën dyshohet të jetë një burrë në moshë të mesme, I cili është larguar në drejtim të kodrave të liqenit artificial.

Fëmijë është marrë në kujdesin e punonjësve dhe ekipit mjekësor të shtëpisë së foshnjës nga 0-6 vjeç në Tiranë

Policia e Tiranës ka nisur hetimet për gjetjen e prindërve dhe shjkaqeve të kësaj ngjarjeje të rëndë, duke nisur nga verifikimet në maternitete sipas datës së lindjes së lënë në letër.

Nëse kapet autori që dyshohet të jetë një nga prindërit, sipas nenit 124 të kodit penal dënohet nga gjobë deri në burgim gjeri në 3 vjet.