Gjermania-Serbisë: Kujdes me Kosovën, rrezikoni statusin
BERLIN - Gjermania paralajmëron hapur Beogradin se nëse nuk pranon integritetin territorial të Kosovës, atëherë Berlini nuk do të pranojë që Serbia të marrë statusin e vendit kandidat në BE.
Deklarata është bërë nga vetë shefi i diplomacisë gjermane Guido Westerwelle, në prag të takimit të ministrave të jashtëm në Bruksel, ku incidentet e fundit në veri të Kosovës dhe statusi kandidat i Serbisë do të jenë një ndër temat kryesore.
Westerwelle tha se sheh në sulmet e demonstruesve serbë në veri të Kosovës ndaj ushtarëve të KFOR-it, një rrezik për dëshirën e Serbisë për t'u bërë kandidat anëtarësimi në BE.
“E them hapur se pranimi i integrimit territorial të Kosovës nga Serbia, do të jetë një kriter në vendimet e Gjermanisë”-ka thënë Westerwelle të mërkurën në mbrëmje në Bruksel.
Serbia mund të marrë statusin kandidat vetëm me miratimin e të gjitha vendeve anëtare të Bashkimit Europian.
(er.nu/news24/BalkanWeb)
Deklarata është bërë nga vetë shefi i diplomacisë gjermane Guido Westerwelle, në prag të takimit të ministrave të jashtëm në Bruksel, ku incidentet e fundit në veri të Kosovës dhe statusi kandidat i Serbisë do të jenë një ndër temat kryesore.
Westerwelle tha se sheh në sulmet e demonstruesve serbë në veri të Kosovës ndaj ushtarëve të KFOR-it, një rrezik për dëshirën e Serbisë për t'u bërë kandidat anëtarësimi në BE.
“E them hapur se pranimi i integrimit territorial të Kosovës nga Serbia, do të jetë një kriter në vendimet e Gjermanisë”-ka thënë Westerwelle të mërkurën në mbrëmje në Bruksel.
Serbia mund të marrë statusin kandidat vetëm me miratimin e të gjitha vendeve anëtare të Bashkimit Europian.
(er.nu/news24/BalkanWeb)