Gjermania jep 120 milione Euro
BERLIN - Nenshkruhen ne Berlin dy marreveshje bashkepunimi ekonomik Gjermani-Shqiperi me vlere 30 milione euro. Bashke me marreveshjen e para disa koheve po me Gjermanine prej 90 milione eurosh, shuma totale e ketij financimi arrin ne shifren e 120 milione eurove. Ai do te perdoret per projekte te financimit te biznesit te vogel, te kanalizimeve te ujerave te zeza ne Korce si dhe ne infrastrukturen energjetike dhe linjat e interkoneksionit me Kosoven. Gjate vizites zyrtare te kryeministrit Berisha ne Republiken Federale te Gjermanise u organizua ceremonia e nenshkrimit te dy marreveshjeve te bashkepunimit ekonomik midis Shqiperise dhe Gjermanise dhe midis Shqiperise dhe Bankes shteterore Gjermane per Rindertim, KFV. Marreveshjet u nenshkruan per palen shqiptare nga Ministri i Financave Ridvan Bode dhe per palen gjermane nga Presidenti per Evropen i Grupit Bankar KFV Roland Siller. Keto dy marreveshje parashikojne akordimin e nje shume prej 30 milione eurosh, te cilat do te sherbejne per projekte te financimit te biznesit te vogel si dhe te kanalizimeve te ujerave te zeza ne rrethin e Korces. Kryeministri Berisha shprehu mirenjohjen dhe falenderimin e thelle per ndihmen dhe mbeshtetjen qe qeveria gjermane po i jep ekonomise shqiptare dhe siguroi se investitoret gjermane jane te mirepritur ne Shqiperi dhe do te kene mbeshtetjen e plote te qeverise shqiptare. Ne kete kuader kryeministri Berisha theksoi se qeveria po ndermerr reforma te thella ne ekonomi dhe ne sistemin fiskal si dhe nje lufte te fuqishme kunder korrupsionit ne menyre qe vendi yne te kete nje klime sa me te favorshme per investimet gjermane dhe ato te huaja ne pergjithesi. Siller pas nenshkrimit te marreveshjeve pershendeti suksesin e qeverise shqiptare me reformat dhe progresin e shkelqyer te ekonomise duke u shprehur kenaqesine qe nenshkrimi po behet ne 20-vjetorin e bashkepunimit ekonomik per zhvillim midis Gjermanise dhe Shqiperise. Presidenti per Evropen i Grupit Bankar KFV-se shprehu bindjen se ky fond prej 30 milione eurosh se bashku me fondin prej 90 milione eurosh qe qeveria gjermane i ka akorduar Shqiperise per projekte ne infrastrukturen energjetike dhe linjat e interkoneksionit me Kosoven do te sjellin edhe me shume ndryshim, zhvillim, punesim dhe ide ne Shqiperine mike. Nenshkrimi i ketyre marreveshjeve, pikerisht ne diten simbolike te 20 vjetorin e bashkepunimit mes dy vendeve, tregojne edhe njehere interesin gjithnje e ne rritje te Gjermanise per investimet ne Shqiperi dhe per me teper nxitjen e zhvillimit ekonomik. Hedhja e kaq shume fondeve per Shqiperine, tregon njeheresh dhe shkallen e lare te sigurise qe ofron vendi yne per investimet e huaja.