Gjermania pritet të dëbojë refugjatët nga Kosova

Lajmin e bën të ditur gazeta gjermane "Zyddojçe Cajtung”, e cila thekson se Zyra Federale për të huajt ka vite që përpiqet të bindë azilkërkuesit nga Kosova të kthehen vullnetarisht në vendlindjen e tyre.

Kjo zyrë e stimulon kthimin edhe me ndihma financiare. Sipas të dhënave të Ministrisë së Brendshme gjermane, në të cilat bazohet gazeta “Zyddojçe Cajtung”, në listat për dëbim nga Gjermania janë 14 000 persona nga Kosova, 10 000 prej të cilëve romë.