Gjika: Bashkim vellazeror ne te gjitha dimensionet Rozeta Rapushi

Bashkim vellazeror ne te gjithe dimensionet, bashkim kombetar si nje proces i pakthyeshem. Keshtu u shpreh dje ne celje te festimeve per 100-vjetorin e Pavaresise se vendit, kryetari i Bashkise se Vlores, Shpetim Gjika pas ceremonise se ngritjes se flamurit dhe homazheve tek varri i Ismail Qemalit. "Ky shekull historie qe sot mbyllet ka pasur pak nga ajo qe e kemi dashur shume, lirine. Le te na sherbeje qe te celim dyert e se nesermes. Nuk kemi asnje minute kohe per te humbur. Bashkim vellazeror ne te gjithe dimensionet, bashkim kombetar si nje proces te pakthyeshem. Shembull dhe model i ketij bashkimi eshte ajo qe po ndodh sot, dhe Vlora ndjehet krenare se e mbajti te ndezur kete fryme krenarie", - u shpreh Gjika. Sipas tij, eshte dita per te nderuar te gjithe ata njerez qe na e dhuruan kete dite 100 vite me pare. Kreu i Bashkise se Vlores pershendeti nga Sheshi i Flamurit te gjithe shqiptaret kudo qe jane dhe kudo qe festojne sot. "Pershendetja e pare shkon per gjithe shqiptaret e mire e te ndershem, qe ndermoren nisma nga me te vecantat e qe sot jane vete ketu, qe u nisen me cdo mjet nga cdo treve, drejt Vlores qytetit historik te shqiptareve. Kane ardhur sot nga Tetova, Dibra, Ulqini, Mitrovica nga Cameria, veriu e jugu eshte zene sot dore per dore. Jemi te gjithe pjese e kesaj feste te ndritur, pershendesim te gjithe ata qe s'munden te ishin sot ketu, por qe kudo qe jane festuan e do festojne shqiptarce", - pershendeti kreu i bashkise Gjika. Ai shtoi se 28 nentori 1912, eshte per te gjithe shqiptaret pasqyra ku ata duhet dhe mund te shohin veten, vizionet e baballareve te kombit tone dhe se sot shenohet mbyllja e 100 viteve te pare per te nisur nje shekull te ri. "Ja tek erdhem sot ne kete dite fatlume, te bekuar. I gjithe kombi i ka kthyer syte nga qyteti yne i bukur tek ky shesh i bekuar qe mban emrin e bekuar Sheshi i Flamurit, - vleresoi Gjika. Sipas kreut te bashkise se Vlores, ky qytet ka arsye qe te ndihet krenare ne kete dite historike, 100-vjetorin e pavaresise. "Jo vetem sepse eshte qyteti qe u be kerthiza e Pavaresise se Shqiperise, por edhe si qyteti qe gjate ketyre 100 viteve, e mbajti vazhdimisht te ndezur dhe te gjalle kete ide dhe fryme lirie. Eshte kjo nje krenari vlonjate e ligjshme, sepse ishte Vlora e vlonjatet, ne cdo moment qe e kerkoi dhe i thirri historia e ketyre 100 viteve, ata ju pergjigjen me sakrifica nga me te medhate e me sublimet. Keshtu ka qene e keshtu do te jete perhere", - u shpreh Gjika ne ceremonine madheshtore te organizuar me rastin e 100-vjetorit te Pavaresise se Shqiperise.

Dyndje vizitoresh per ngritjen e flamurit

Qe ne oret e para te mengjesit, qyteti bregdetar i Vlores u mbush dje me vizitore te shumte jo vetem nga Shqiperia, por edhe nga Kosova, Maqedonia, etj. Mijera banore nga rrethe te ndryshme te vendit, si dhe nga trevat shqipfolese, u dynden dje ne Vlore per te pare nga afer dhe per te qene deshmitare te ngritjes se flamurit me rastin e 100-vjetorit te shpalljes se Pavaresise. Pergjate gjithe dites se djeshme, grupet folklorike nga te gjitha trevat mbushen rruget dhe sheshet e qytetit bregdetar, duke shtuar atmosferen festive. Festivalet polifonike kane celur siparin dje dhe do te vazhdojne deri me 29 nentor.