Gjinushi: Mbeshtesin LSI per referendumin
Partia Socialdemokrate u shpreh dje ne mbeshtetje te kerkeses se ardhur nga LSI per organizimin e nje referendumi popullor. Kryetari i kesaj partie, Skender Gjinushi, i cili votoi kunder ndryshimeve kushtetuese ne Kuvend, e vleresoi referendumin popullor si nje rruge ligjore per te vendosur rreth ceshtjeve te rendesishme. Qendrimin e tij pro kesaj iniciative, kreu socialdemokrat e bazoi pikerisht ne nenet qe lidhen me zgjedhjen e Presidentit. Per PSD-ne, zgjedhja e Presidentit do te duhet te marre voten e popullit ne menyre perfundimtare. "Ne rastin e nje Kushtetute te bere nga populli, eshte normal qe ndryshimet thelbesore t'i miratoje serish populli, apo te vendose qe t'i rrezoje. Ne kete kuptim, PSD nuk mund te jete kunder nje amendamenti thelbesor, sic eshte ai per Presidentin e Republikes, i cili eshte i domosdoshem". Po keshtu, duke u ndalur dhe ne ndryshimet e tjera kushtetuese, Gjinushi vleresoi se, "per sa u perket mocioneve, serish per nga pesha politike kane nje rendesi, sepse ndahen dy mentalitete qeverisese, nje qeveri ne panik dhe nje opozite qe Kushtetuten nuk e sheh sipas koniunktures. Per ceshtjet e tjera, besoj se nuk eshte nevoja". Por, pare ne kete kontekst, duket se Gjinushi nuk e ben te qarte qendrimin perfundimtar te tij mbi iniciativen e LSI-se. O.XH