Gjirokaster, peticion per ujerat e zeza

Gjirokaster- Ne prag te stines se nxehte, problematika e mungeses se investimeve ne drejtim te rehabilitimi te kanalizimeve te ujerave te zeza ne qytetin e Gjirokastres, po behet nje shqetesim i perditshem per banoret. Vershimi i ujerave te zeza, pergjate segmenteve rrugore apo zonave te banimit, nuk eshte nje problematike me te cilen perballen vetem lagjet e poshtme te qytetit, por edhe banoret qe jetojne ne pjesen e siperme te tij. Ditet e fundit, 80 familje te lagjes "Palorto", i jane drejtuar me nje peticion bashkise, ku kerkojne nderhyrjen per rehabilitimin e kanalizimeve ne kete zone. Aktualisht pjesa me e madhe e shtepive te banimit kane gropa septike, bllokimi i te cilave ka bere qe ujerat e zeza te vershojne ne siperfaqe. "Te gjithe ne kemi ne kopshtet tona gropa septike per depozitimin e ujerave te zeza, por bllokimi ka bere qe ato te vershojne ne siperfaqe, duke kaluar nga kopshti i njeres shtepi, tek avllia e shtepise ngjitur me te", thote L. Sherifi, njeri prej nenshkruesve te ketij peticioni. Mes te tjerash banoret e Palortose i kerkojne pushtetit vendor ndertimin e nje rrjeti te ri kanalizimesh per ujerat e zeza ne kete zone te qytetit dhe nxjerrjen jashte perdorimit te gropave septike. "Na u mbyten femijet nga fekalet, pasi cdo dite kalojne mes tyre madje edhe ku te luajne nuk kane vend", thote nje tjeter nenshkrues i peticionit. Aktualisht rreth 60 per qind e familjeve ne qytetin e Gjirokastres kane gropa septike. Perfaqesues te Ndermarrjes se Ujesjelles-Kanalizimeve ne Gjirokaster thone per "KJ" se kjo ndermarrje nuk disponon fondet e nevojshme per te nderhyre ne kete drejtim, duke kerkuar mbeshtetjen e donatoreve te tjere. Sipas specialisteve te kesaj ndermarrjeje, problemi i kanalizimeve te ujerave te zeza ne qytetin e Gjirokastres zgjidhej perfundimisht, vetem nese per kete projekt do te sigurohej nje financim me vleren e 10 milione eurove.

Blerim Kore