Rreziku nga ushqimet, kontroll ne dyqane

Durres- Afrimi i sezonit turistik dhe te nxehtit veror, ka vene ne levizje Drejtorine e Bujqesise se Durresit, per marrjen e masave. Inspektorati i Ushqimit prane kesaj Drejtorie, ka filluar dje nje kontroll ne te gjitha pikat ku tregtohen produkte ushqimore, kryesisht ato me prejardhje shtazore. Jonuz Tafili, drejtori i kesaj dege, ben te ditur se masat qe jane marre ne lidhje me kontrollin e produkteve ushqimore jane rritur, kjo per shkak te ngrohjes se kushteve atmosferike, si dhe rritjes se konsumatoreve, duke ngritur grupe kontrolli per berjen e analizave ne te gjitha subjektet qe tregtojne produkte ushqimore. Problem sipas Tafilit, mbetet zona e plazhit dhe shitesit ambulant, kjo per arsye te menyres se tregtimit te produkteve, ku ne te shumten e rasteve eshte dashur nderhyrja e policise bashkiake. Qyteti i Durresit ka shume pika problematike tregtimi, pasi subjektet nuk respektojne kushtet. Keshtu te gjitha punishteve dhe vendeve te tregtimit u jane bere te njohura masat qe duhet te marrin, per ruajtjen e mallrave dhe disa prej tregtareve, iu eshte vene gjobe deri ne sekuestrimin e mallit. Nga kontrollet e kryera, 15 subjekte qe tregtojne produkte mishi jane penalizuar, ndersa tre prej tyre jane paralajmeruar per mbyllje te aktivitetit.

E. A.