Gjoba biznesit për kasat

Biznesi durrsak po përballet me një vale gjobash dhe penalizimesh nga Drejtoria e Tatim- Taksave. 670 subjekte të tregut të pakicës në qytetin bregdetar janë penalizuar për mungesën e kasave fiskale dhe mospagesën e taksave. Gjoba e venë ndaj tyre ka arritur në vlerën e 6.7 milion lekëve. Drejtori i Tatim-Taksave të Durrësit, Shkelqim Fortuzi, deklaron se edhe pasi të paguajnë gjobën, asnjë subjekt nuk do t?i rikthehet punës nëse nuk vendos kasën fiskale. Ndërkohë, biznesmenët e vegjël deklarojnë se janë në prag të falimentimit. Rënia e drasktike e xhiros ka bërë që biznesi sipas tyre ta ketë të pamundur pagesën e taksave dhe blerjen e kasave fiskale. Vetëm gjatë muajit Janar 20% e bizneseve në tregun industrial në Durrës kanë shpallur falimentimin. Me dhjetëra dyqane kanë ulur qepenat duke mbyllur aktivitetin ndërsa pronarët janë në pritje të qiramarrësve të rinj.

Shpërndaje