Gjobiten 65 farmaci, shkelen rregullat e ISKSH

Sonila Isaku
Plot 65 farmaci dhe depo farmaceutike jane gjobitur per shkak se kane shkelur kontraten e nenshkruar ne fillim te vitit me Institutin e Sigurimeve dhe Kujdesit Shendetesor. Keto masa jane marre gjate kontrolleve te ushtruara mbi dokumentacionin e blerjes se barnave por edhe me furnizimin ne to si dhe kontratat qe nenshkruajne farmacite me depot farmaceutike.
Kontrolli
Mbi 120 kontrolle jane ushtruar gjate ketij 6 mujori nga ISKSH tek farmacite dhe gjysma e tyre kane rezultuar me probleme ne dokumentacion dhe moszbatim te kontrates qe kane nenshkruar. Keshtu 3 farmaci kane mbyllur kontraten me ISKSH. Nderkohe, tek subjektet e tjera eshte konstatuar nje perfitim i padrejte i vlerave te rimbursimit per te cilat jane vendosur ndaj 25 farmacive masa zhdemtimi ne shumen totale 1.1 milion leke, per diferenca ne plus te pajustifikuara me fatura si dhe per shkelje administrative ne lidhje me dokumentacionet dhe pikat e kontrates jane vendosur ndaj 28 subjekteve farmaceutike gjoba ne vlere totale 336 mije leke. “Gjate ketij viti, sa i takon depove farmaceutike, kontrolli ka qene tematik, ne lidhje vertetesine e disa faturave te furnizimit te subjekteve farmaceutike dhe te pajisjes se barnave me pullen e kontrollit, te skadences se barnave te tregtuara” pohojne drejtuesit e ISKSH-se. Sipas tyre, jane kontrolluar 12 depo importuese dhe distributore dhe nder problemet qe vlen te theksohet eshte mosdeklarimi i sakte nga ana e depove neper faturat e shitjes se serise dhe dates se skadences se barit, mbi kete problem eshte ushtruar kontroll per vertetesine e ketyre elementeve. Na baze te kontrates me depot Importues dhe Distributore jane vene penalitete, ku jane marre masa te rekomanduara gjobe ndaj 7 depove, ne vleren 590 000 leke.
Zonat
Kontrollet e ushtruara nga ISKSH, kane pasur edhe zona te caktuara pikerisht ne Tirane, Durres, Vlore, Berat, Elbasani dhe Shkodra. Po ashtu eshte bere dhe nje verifikim observacioni ne rrethin e Elbasanit, Cerrik si dhe nje kontroll tematik ne rajonin e Tiranes, Durresit, Lezhes dhe Shkodres. Ne keto qytete e konstatuan disa shkelje te cilat kishin te benin me tregtim te barnave me rimbursim pa dokumentacionin ligjor duke u rimbursuar padrejtesisht, per barna pa i pasur gjendje ne farmaci ne kundershtim me detyrimet kontraktuale me ISKSH-ne. Po keshtu mangesi ne plotesimin e dokumentacionit sipas detyrimeve kontraktuale; tregtim te barnave pa pullen e kontrollit nga disa farmaci; pranine e librezave te shendetit te pacienteve ne ambientet e farmacise.

Masat e marra
25 farmacive masa zhdemtimi ne shumen totale 1 113 320.3 leke per perfitim i padrejte i vlerave te rimbursimit
28 subjekteve farmaceutike gjobe ne vlere totale 336 000 leke per moszbatim kontrate
3 subjekte farmaceutike u jane bllokuar kontratat me ISKSH-ne
12 depo importuese dhe distributore te kontrolluara nga ISKSH
7 depo te gjobitura me vlere 590 000 leke

Shkeljet e bera
Tregtim te barnave me rimbursim pa dokumentacionin ligjor duke u rimbursuar padrejtesisht,
Tregtim te barnave pa i pasur gjendje ne farmaci ne kundershtim me detyrimet kontraktuale me ISKSH-ne
Mangesi ne plotesimin e dokumentacionit sipas detyrimeve kontraktuale
Tregtim te barnave pa pullen e kontrollit nga disa farmaci
Pranine e librezave te shendetit te pacienteve ne ambientet e farmacise.