Gjykata le ne burg Astrit Bushin
LAÇ- Gjykata e Kurbinit vendosi dje masen e sigurise burg pa afat per Astrit Bushin. 32-vjeçari akuzohet per vepren penale te “armembajtjes pa leje dhe prodhimit te municioneve luftarake”. Masa e arrestit ndaj tij eshte marre nen masa te rrepta sigurie, me kater furgone te policise dhe forca te RENEA-s. Bushi u arrestua tri dite me pare ne kuader te operacionit te koduar “Arbustro 2 “. Ne momentin e arrestimit, sipas organit te akuzes, policia i ka gjetur dhe bllokuar nje arme zjarri pistolete, tip “Bereta”. Pas kontrollit te ushtruar ne banesen e tij, ne qytetin e Laçit, eshte gjetur dhe sekuestruar dhe nje sasi e konsiderueshme fishekesh. Sipas burimeve, policia e Kurbinit, veç armes dhe fishekeve, i bllokoi atij edhe mjetin tip “Benz Mercedez”, me targe TR 0544 T, si dhe 5 aparate celulare te llojeve te ndryshme. r.n