Gjykata Ndërkombëtare Penale rihap hetimet ndaj Filipineve, lidhur me vrasjet e motivuara si “trafik droge”

Gjyqtarë të Gjykatës Ndërkombëtare Penale, hapën sot rrugën që prokuroria e gjykatës të rifillojë hetimin e saj për të ashtuquajturën “luftë kundër drogës në Filipine”.

Prokurori, Karim Khan, vitin e kaluar, u kërkoi leje gjyqtarëve për të riaktivizuar hetimin e tij për krimet e supozuara kundër njerëzimit midis 1 nëntorit 2011 dhe 16 marsit 2019, që ishin të lidhura me goditje vdekjeprurëse.

Hetimi u pezullua në fund të vitit 2021, pasi Filipinet thanë se po hetonin krimet dhe argumentuan se ICC, një gjykatë e shkallës së fundit, nuk kishte juridiksion.

Khan argumentoi vitin e kaluar se ai duhet të lejohet të rihapë hetimin e ICC, duke thënë se kërkesa e Manilës që çështja t’u besohet autoriteteve të vendit “nuk është e garantuar”.

Në vendimin e tyre sot, një panel gjyqtarësh ra dakord, duke thënë se pas shqyrtimit të informacioneve nga qeveria e Filipineve dhe Khan, si dhe peshimit të komenteve nga viktimat, ata arritën në përfundimin se “iniciativat dhe procedurat e ndryshme vendase, të vlerësuara kolektivisht, nuk janë të prekshme, konkrete dhe progresive, që të pasqyronin mjaftueshëm hetimin e gjykatës.”

Më shumë se 6,000 të dyshuar për lidhje me drogën, shumica prej tyre njerëz që jetonin në varfëri, janë vrarë, sipas deklaratave të qeverisë. Grupet e të drejtave të njeriut thonë se numri i të vdekurve është dukshëm më i lartë dhe duhet të përfshijë shumë vrasje të pazbardhura nga persona të armatosur me motoçikleta, të cilët mund të jenë pjesë e policisë.

Ish-presidenti i Filipineve, Rodrigo Duterte, ka mbrojtur goditjen si “të drejtuar ligjërisht kundër bosëve të drogës dhe shtytësve që kanë shkatërruar për shumë vite brezin aktual, veçanërisht rininë”.

Duterte kërcënoi hapur të dyshuarit për drogë me vdekje dhe urdhëroi policinë të qëllonte të dyshuarit që i rezistuan arrestimit, por ai ka mohuar se vrasjet janë bërë jashtë sistemit gjyqësor. Apnews

/rtsh.al/