Gjykata e Hagës: 50 vite burg ish presidentit të Liberisë, Charles Taylor

Taylor u gjend fajtor për akuzën e armatosjes dhe ndihmës së dhënë për rebelët në Sierra Leone gjatë luftës civile 11-vjeçare në këtë vend nga 1991 deri në 2002-in

Gjykata e Ndërkombëtare e Krimeve të Luftës në Hagë, shpalli fajtor dhe dënoi me 50 vite burgim ish-presidentin e Liberisë, Charles Taylor. Taylor u gjend fajtor për akuzën e armatosjes dhe ndihmës së dhënë për rebelët në Sierra Leone gjatë luftës civile 11-vjeçare në këtë vend nga 1991 deri në 2002-in. Gjykata e Hagës kërkuan një dënim prej 80 vitesh heqje lirie për Taylor, por gjykata vlerësoi se kërkesa ishte e tepruar nisur nga përfshirja e presidentit të Liberisë në luftën civile të Sierra Leones. Gjatë procesit, gjyqtari i çështjes, Richard Lussick deklaroi se krimet e ndodhura në Sierra Leona ishte ndër krimet më makabre të kryera ndonjëherë në historinë e njerëzimit.
Vetë Taylor kundërshtoi vendimin duke u deklaruar i pafajshëm. Ai tha se nuk kishte kurrfarë gishti në luftën civile në Sierra Leone dhe se do të apelonte vendimin e dhënë kundër tij. Ai u bë ish kreu i parë i dënuar për krime lufte nga një gjykatë ndërkombëtare, pas Luftës së Dytë Botërore. Taylor ka kërcënuar dëshmitarët në seancën gjyqësore. Ai po ashtu u kërkoi gjykatësve të marrin parasysh moshën e tij para se të jepnin vendimin duke thënë se ai nuk ishte një kërcënim për shoqërine.
Gjatë luftës civile së Sierra Leone, Taylor mbështeti rebelët që vranë dhjetëra mijëra njerëz. Krimet e luftës përfshijnë në vrasje, dhunimin dhe marrjen e gjymtyrëve të fëmijëve.