Gjykata e Hagës përgënjeshtron hetimin kundër Del Pontes

Gjykata Ndërkombëtare e Hagës ka përgënjeshtruar njoftimet e disa mediave se kanë filluar hetime kundër ish kryeprokurores Karla Del Ponte dhe prokurorëve të tjerë, për shkak të presioneve të ushtruara ndaj disa dëshmitarëve. Në njoftimin nga kjo gjykatë, theksohet se këshilli gjyqësor ka caktuar të emërohet një bashkëpunëtor i gjykatës, i cili do të hetonte frikësimet e mundshme dhe presionet nga ana e hetuesve të prokurorisë dhe të hetojë teknikat me të cilat ata janë shërbyer për t'i siguruar dëshmitë fillestare me shkrim nga dëshmitarët.