Gjykata e Tiranes fillon pushimet me 1 gusht

Nga data 1 gusht gjyqtarët e Gjykatës së Tiranës dhe gjithë Shqipërisë, marrin pushimet vjetore gjatë këtij muaji nuk do të zhvillohet asnjë proces i zakonshëm gjyqësor, qoftë civil apo penal.

Por kjo Gjykatë, do të jetë e hapur vetëm për rastet specifike të parashikuara në ligj. Ku për çdo javë do të ketë nga një gjyqtar të gatshëm që do të shqyrtoj kërkesat e prokurorisë apo qytetarëve të ndryshëm që kërkojnë mbrojtje nga dhuna në familje apo jashtë saj.

Gjatë muajit gusht, kryesekretaria e kësaj gjykate do të jetë e hapur, për pranimin e padive të ndryshme, të cilat do të shqyrtohen në shtator pas hedhjes së shortit për caktimin e gjyqtarëve që do të gjykojnë çështjet.