Gjykata liron Ledio Ruçin: Nuk ka përgjegjësi për aksidentin

Gjykata e Tiranës ka liruar djalin e Gramoz Ruçit, Ledio Ruçin, që u përfshi në një aksident tre ditë më parë. Lirimi i Ledio Ruçit është bërë pas kërkesës së prokurorisë.

Kjo e fundit, pasi ka kryer hetimet për aksidentin ku gjeti vdekjen një 27-vjeçare, ka thënë se djali i deputetit socialist nuk ka përgjegjësi për aksidentin.

Sipas prokurorisë, përgjegjës për aksidentin ka qenë automjeti tjetër, që drejtohej nga ana e Edi Likës, i cili nuk ka respektuar semaforin, duke kaluar me të kuqe.

Për këtë arsye, gjykata ka liruar Ledio Ruçin, ndërkohë që ka caktuar masën Arrest me burg për Edi Likën.