Gjyqësori përfundon pushimet

Gjatë periudhës së pushimit, Gjykatat, me një numër të kufizuar gjyqtarësh, kanë proceduar, kryesisht me masat e sigurimit për personat e kapur nga policia për vepra të ndryshme penale. Ndërkohë, ne ditet në vazhdim ato do të vijojnë me shqyrtimin e çështjeve gjyqësore, duke marrë vendime për to.

Në Gjykatën e Tiranës, është ne vazhdim procesi për çështjen e 21 janarit. Trupi gjykues ka caktuar daten  12 shtator për të mbajtur seancen e radhës për çeshtjen, me tre të pandehur, mes tyre ish- kreu i Gardes se Republikes Ndrea Prendi, i akuzuar per vrasje.

Por, proces i bujshëm konsiderohet edhe ai në Gjykatën e Lartë, ndaj ish ministrit te Ekonomisë Dritan Prifti dhe ish zëvendësit te tij Leonard Beqiraj, të akuzuar për korrupsion.   Seanca për këtë çështje është fiksuar ne 12 shtator dhe Gjykata pritet të shprehet lidhur me kerkesat e paleve./Start/

                                                                                             2012-09-01 11:16