Gjyqtaret, Kuvendi rrezon Topin Rozeta Rapushi
Kuvendi rrezon kandidaturat e Presidentit Bamir Topi per Gjykaten e Larte dhe kthen mbrapsht ato per Gjykaten Kushtetuese. Me shumice votash, Komisioni Parlamentar i Ligjeve, rrezoi dje kandidaten e propozuar nga kreu i shtetit, Manjola Bejleri, duke e konsideruar te papershtatshme per postin e gjyqtares ne Gjykaten e Larte. Madje akoma me tej, bazuar ne veprimtarine e Bejlerit, deputeti, Dashnor Sula, tha se ka shkelje te konsiderueshme disiplinore dhe madje ndaj saj te nise procedim penal per shkak te performances se saj. "Nese nje gjyqtare e tille si zonja Bejleri, dhe raporti qe paraqet relatorja dhe ne si komision do ta votojme, duke qene se paska kaq shkelje do te ishte ne nderin tone te komisionit dhe te relatores, qe t'i paraqiste nje raport dhe Ministrit te Drejtesise, qe te fillonte procedimin penal ose edhe me tej, ndoshta per ndjekje penale, sepse ajo nuk ka arritur qe me performancen e saj te ndryshoje raportet ne gjyqesor. Plus qe paska 40% - 50% prishje te vendimeve. Besoj perben shkelje disiplinore dhe nuk mund te rrime indiferent si komision", u shpreh Sula. Perpos ketyre kritikave, komisioni dha pelqimin per dy prej kandidateve te tjere te kreut te shtetit per Gjykaten e Larte, Shkelzen Selimi dhe Edmond Islamaj. Dy kandidatet, do te kalojne per votim ne seancen plenare te dites se neserme. Ndersa per sa i perket anetareve per Gjykaten Kushtetuese, Komisioni i Ligjeve, vendosi qe te pranoje vetem nje nga kater kandidaturat e propozuara. Kete here, kthimi ka te beje me vendimin me te fundit te Gjykates Kushtetuese per menyren e zgjedhjes se tyre. Keshtu, deputeti Viktor Gumi, theksoi se komisioni duhet te zbatoje vendimin e Gjykates Kushtetuese per anetaret e po kesaj gjykate, te cilet duhet te rifreskohen nje here ne tre vjet me nga tre anetare. Per rrjedhoje, komisioni miratoi vetem kandidaturen e Fatmir Hoxhes ne kete gjykate, ndersa per te tre kandidaturat e tjera do te zbatohet nje tjeter procedure. "Nepermjet nje letre, Kryetarja e Kuvendit do i drejtohet Presidentit te Republikes per kthimin mbrapsht te tyre. Ne vertet kemi bere relacione per te katert dekretet qe na kane ardhur. Ne vleresimin tim, ne qofte se ne do te vazhdonim te procedonim me te katert relacionet, praktikisht do te neglizhojme paralajmerimin e rende qe na jep Gjykata Kushtetuese per cenimin qe mund t'i vije parimit te rotacionit nga procedimi 'un-block' per 4 kandidaturat", u shpreh Kryetari i Komisionit, Ilir Rusmali. Ne keto rrethana, ai sugjeroi qe Kuvendit t'i percillet vazhdimi i procedures per kandidaturen qe komisioni ka gjetur ne perputhje me kriteret qe parlamenti ka per vlefshmerine e kandidaturave per gjyqtare te gjykates Kushtetuese dhe nga ana tjeter te percjellim propozimin per kryetaren e Kuvendit per tre kandidaturat e tjera.
Vendimi i Gjykates Kushtetuese
Perteritja e Gjykates cdo tre vjet, me nje te treten e gjyqtareve, eshte mjet per te garantuar pavaresine e saj, sepse mandati i gjyqtareve nuk perplaset me kohezgjatjen e mandatit presidencial dhe ate parlamentar, por i tejkalon ato.
Ne perfundim te ketij arsyetimi, Gjykata thekson se respektimi dhe zbatimi i parashikimit kushtetues te perteritjes se perberjes se saj cdo tre vjet, ne nje te treten e anetaresise, paraqet rendesi te vecante ne kuptim te ruajtjes dhe forcimit te pavaresise dhe vazhdimesise se ketij organi.
Gjykata rithekson se ne zbatim te parimit baze te shtetit te se drejtes, atij te ndarjes dhe balancimit ndermjet pushteteve, kushtetutberesi ka percaktuar, per secilin nga organet qe perfaqesojne keto pushtete, kompetencat qe perputhen/i pergjigjen qellimit te tij. Per sa kohe keto kompetenca jane te percaktuara nga normat kushtetuese, eshte e palejueshme qe nje organ tjeter t`i marre ose t'i anashkaloje ato me vullnetin e tij.
Per sa me siper, Gjykata vlereson se ne situaten aktuale, kur ka mbaruar mandati i dy te tretave te gjyqtareve te saj, ka lindur nje problem kushtetues, por nuk eshte vendimi interpretues qe mund t`i jape zgjidhje perfundimtare mosmarreveshjes. Percaktimi, nga ana e Gjykates, i nje mekanizmi per te ruajtur balancen ndermjet respektimit te rregullit te perteritjes periodike e te pjesshme te kesaj Gjykate dhe parimit te garantimit te kohezgjatjes se mandatit te gjyqtarit kushtetues, do ta nxirrte ate jashte juridiksionit kushtetues.