Goditen dy grupe shperndaresish droge
Policia arreston kater persona me marijaune dhe heroine ne dy operacione te ndryshme
TIRANE- Nje student i Inxhinierise se Ndertimit dhe nje taksist u arrestuan ne flagrance dje nga zyra e Antidroges se Policise se kryeqytetit ndersa u kapen me nje sasi prej 560 gram marijuane e paketuar dhe e gatshme per tiu shitur perdoruesve te ndryshem. Nderkaq nga kontrollet e mevonshme te policise mesohet se sasia e bllokuar dhe e sekuestruar ka kapur sasine e rreth nje kilogrameve duke dyfishuar sasine e bllokuar gjate operacionit.
Lajmi u be i ditur per Shekullin nga burime te policise se kryeqytetit te cilet thane se lenda narkotike u kap prane Fakultetit te Inxhinierise se Ndertimit kur dy personat Roland Hoxha 40 vjec nga Tirana dhe Xhulio Xhafi 19 vjec nga Vlora u ndaluan ndersa udhetonin me nje veture taksi e cila ishte ne pronesi te Roland Hoxhes dhe drejtohej prej ketij te fundit.
Prej disa javesh personat e ndaluar ishin nen vezhgimin e oficereve dhe te specialisteve te Antidroges mesohet se kishin ndjekur itinerarin e veprimeve te Hoxhes ne te gjithe Tiranen dhe ne menyre te vecante prane fakultetit te Inxhiniesise se Ndertimit prane shkolles se mesme politeknike ne rrugen Asim Vokshi ne unaze si dhe ne vende te tjera.
Nga hetimi i kryer mesohet se Xhafi 19 vjec nga Vlora e blinte marijuanen ne qytetin e tij dhe me pas e sillte ne Tirane per ta shitur tek persona te tjere. Dyshimet e policise jane se transportimin e mallit Xhafa e kryente nepermjet taksisit 40 vjecar Roland Hoxha.
Gjate kontrollit te automjetit me te cilin ata udhetonin policia zbuloi fillimisht 560 grame marijuane ndersa me pas gjate kontrolleve te imtesishme u gjeten edhe nje sasi tjeter prej rreth 500 gramesh te tjera. Sipas policise sasia ishte e paketuar dhe e pergatitur per tu shitur ne tregun e perdoruesve te kryeqytetit.
Nderkaq po dje policia e Tiranes ne nje nderhyrje tjeter ndaloi dy persona te tjere te cilet u kapen dhe me pas u arrestuan pasi iu gjet nje sasi prej 10 dozash heroine. Ne te dy rastet kater personat e arrestuar akuzohen per shitje dhe shperndarje te lendeve narkotike ne bashkepunim.