Goditet banda e hajdutëve të pushuesve, vidhnin me armë portofolët

Durrës- Katër të rinj kanë rënë në prangat e policisë së Durrësit pasi akuzohen sepse kanë grabitur me dhunë pushuesit.

Sipas policisë Leonard Fierza, Hasan Tabaku 21 vjeç, Haki Nuci 24 vjeç dhe Jetmir Mera 19 vjeç nën kërcënimin e armëve u merrnin portofolët pushuesve.

Këta të fundit ishin pjesa më e madhe shtetas nga Kosova dhe vjedhjet sipas policisë kryeshin natën.

Uniformat blu thanë se mbrëmjen e djeshme rreth orës 23:00 katër të rinjtë në bahskëpunim me njëri-tjetrin kanë grabitur portofolat e tre pushuesve kosovarë nën kërcënimin e armëve.

Gjatë grabitjes ata kanë ushtruar dhunë mbi pushuesit. Policia thotë se një nga të arrestuarit është nga Shkodra, kurse tre të tjerët nga Burreli. Policia vijon hetimet.