Google - vegël spiunimi, sipas Iranit
Shefi i forcës policore të Iranit, Ismail Ahmadi-Mokadam, tha sot se kompania “Google, nuk është makinë kërkimi, por vegël spiunimi”.
Mëtutje, një agjenci iraniane ka raportuar se ai e ka lavdëruar zhvillimin e një rrjeti vendës kompjuterik në Iran, i cili do të operonte ndaras nga rrjeti botëror.
“Interneti kombëtar është shumë i dobishëm për mbrojtjen e sigurisë së popullit dhe të informacioneve të vendit”, tha Ahmadi-Mokadam, siç transmeton REL.
Megjithatë, ai ka theksuar se “nuk është qëllim yni që ta shkëpusim vetveten nga bota”.