Grabitet filiali i NBG-se, zhduket autori

Tirane- Nje filial banke eshte grabitur dje ne autostrade. Nje person i maskuar dhe i armatosur ka mundur te vjedhe 50 mije leke. Ngjarja ndodhi pasditen e djeshme rreth ores 18:00, kur nje person i armatosur ka hyre ne filialin e bankes NBG, te ndodhur ne autostrade. Personi ende i paidentifikuar, sapo ka shtyre deren e bankes ka nxjerre armen tip pistolete TT, qe mbante me vete dhe i eshte drejtuar punonjeses se kases, duke i kerkuar shumen e lekeve qe kishte ne gjendje. Sipas policise se kryeqytetit, autori ka vjedhur vetem 50 mije lekesh, e me pas eshte larguar me vrap. Menjehere pas ngjarjes eshte lajmeruar policia, e cila ka shkuar ne vendngjarje dhe ka kryer veprimet e para hetimore. Sipas policise autori ka hyre ne banke ne orarin zyrtar te mbylljes se saj, duke menduar se do te kishte nje gjendje te madhe te hollash. Uniformat blu kane marre ne pyetje fillimisht punonjesen e arkes dhe me pas personat e tjere qe ndodheshin ne ato momente, te cilet kane treguar rrjedhen e ngjarjes. Blute kane sekuestruar kasetat filmike te bankes, per te kryer identifikimin e autorit te kesaj grabitjeje. Policia po punon per zbardhjen e plote te kesaj ngjarjeje. Materialet hetimore i kaluan per hetime te metejshme Prokurorise se Tiranes.
R.C