Grabitet hekurudha trenat rrezikojne daljen nga shinat

Linja hekurudhore Lezhë Zejmen vijon të grabitet sistematikisht. Së fundi janë grabitur mbi 120 pllaka në traversat e betonit, aksesorët e hekurit që lidhin shinat me traversat si dhe një numër i konsiderueshëm pllakash lidhëse  duke rrezikuar daljen e trenave nga shinat dhe rrjedhimisht edhe jetën e udhëtarëve.Grupet e punës për mirëmbajtjen e hekurudhës na vazhdimësi bëjnë zëvendësimin e pjesëve të vjedhura të cilat grabiten sërisht gjatë orëve të natës.

"Kur vijmë ne i gjejmë pa ato. Po i hoqe ato dy rreshta, linja dobësohet, dihet ajo", tha Gjergj Hasi.ZV/Brigadier i Linjës Baqël-Milot. Për shkak të amortizmit të rrjetit hekurudhor por edhe të grabitjes së aksesorëve,është njoftuar që treni të mos lëvizë me shpejtësi më tepër se 5 km në orë.Deri tani asnjë prej autorëve nuk është identifikuar apo ndaluar.Ndërkohë që mësohet se pllakat lidhëse të shinave dhe materialëve të tjera janë grabitur dhe shitur për skrap.

Lindita Kokaj