Gramozi mban hapin e Skënderbeut kryesues

Skënderbeu vazhdon të dominojë në Kategorinë e Parë, duke regjistruar fitoren e 7-të në dhjetë ndeshjet e para. Korçarët kaluan pa vështirësi në Librazhd, duke mposhtur 4-0 Sopotin vendas. Për bardhekuqtë, kjo fitore (e treta jashtë fushe), shërben për të konsoliduar pozitat në krye të klasifikimit, ku tashmë e shohin veten me 23 pikë. Por, në garën drejt Kategorisë Superiore, Skënderbeu nuk është i vetëm. Gramozi vazhdon të mbajë hapin e kryesuesve dhe me fitoren mbresëlënëse 3-1 në fushën e Naftëtarit, skuadra nga Erseka mban vendin e dytë (me 21 pikë të grumbulluara). Kjo ishte fitorja e parë jashtë fushe për skuadrën surprizë në Kategorinë e Parë. nuk gabon as Laçi, që mposht 5-1 skuadrën e vendit të fundit në renditje, Bilisht Sport. Skuadra e Edi Martinit merr tri pikë me shumë vlera dhe tashmë ngjitet në vendin e tretë, në kuotën e 17 pikëve, duke përfituar edhe nga hapi fals i Dajtit, që thyhet nga Ada e Velipojës.

KATEGORIA E PARË

Dje

Ada-Dajti 4-3

Naftëtari-Gramozi 1-3

Sopoti -Skënderbeu 0-4

Laçi-Bilisht Sport 5-1

Burreli-Kastrioti 1-1

Luftëtari-Skrapari 1-0

Sot

Besëlidhja-Tërbuni

Turbina-Pogradeci