Greket, fonde per rrugen Qafe-Bote-Sarande

Ministri i Ekonomise, Tregtise dhe Energjetikes, Genc Ruli, ne cilesine e perfaqesuesit te Qeverise shqiptare, nenshkroi dje kontraten e financimit dhe supervizimit te rruges Qafe Bote-Konispol-Sarande, 40 km e gjate. Kontrata e kesaj arterieje te re, qe lidh Veriun e Greqise me Jugun shqiptar, eshte nenshkruar ne qytetin e Thesprotise ne Greqi, rreth 15 kilometra larg pikes se kalimit kufitar te Qafe Botes nga ministri shqiptar i Ekonomise, Tregtise dhe Energjetikes, Genc Ruli, ne cilesine e koordinatorit kombetar te programit dhe nga zevendesministri i Jashtem i Greqise, Petros Dhukas, ne cilesine e koordinatorit kombetar te Planit Helenik per Zhvillimin e Ballkanit. Ministri Genc Ruli tha per perfaqesuesit e medias shqiptare se, ne pjesen me te madhe investimi perballohet nga plani helenik per zhvillimin ekonomik te Ballkanit, ndersa ne masen 20 % i perket pales shqiptare. Nenshkrimi i kontratave perfshin kompanine "Egnatia Odhos sh.a." per supervizimin dhe konsulencen e menaxhimit te projektit dhe kompanine "Aegek sh.a" per kontraten e punimeve, financim me fonde grant nga qeveria greke, ne kuader te Planit Helenik per Zhvillimin e Ballkanit. Sipas burimeve zyrtare, rruga Qafe Bote-Sarande, ka nje gjatesi prej 40 km dhe gjeresi 10.5 m. Ky investim, kap vleren e pergjithshme prej 29.5 milione euro. Punimet per rrugen Sajadhe-Konispol-Sarande, qe vjen deri ne Qafe te Gjashtes, pritet te nisin pas nje jave, me 1 mars 2008. Rruga parashikohet te perfundoje ne nje afat 2.5 vjet. Nderkohe ne faze punimesh eshte edhe rruga Vlore Sarande, e cila do te beje te mundur lidhjen e pikes kufitare te Qafe Botes me qytetin e Vlores.