Greqi-Shqiperi-Maqedoni, deklarate per Prespen
Greqia, Shqiperia dhe Maqedonia nepermjet nje deklarate te perbashket u angazhuan dje per mbrojtjen e Parkut dhe liqenit te Prespes, i cili lag brigjet e tre vendeve. Keshtu kryeministrat e tre vendeve, Papandreu, Berisha dhe Gruevski u angazhuan per shnderrimin e Parkut te Prespes, ne shembull te suksesit te politikave mjedisore dhe destinacion turistik per mbare rajonin e me gjere, si dhe te punojne se bashku per nje zhvillim te qendrueshem ne perputhje me politikat per ruajtjen e mjedisit. Kjo marreveshje u nenshkrua pasditen e djeshme ne Prespe te Greqise, me iniciative te kryeministrit grek Papandreu. Sipas te pranishmeve, ky takim pervec anes mjedisore, sherben edhe njehere si tregues i marredhenieve shume te mira e miqesore dhe i bashkepunimit te tre vendeve ne sherbim te paqes, zhvillimit te qendrueshem ekonomik, integrimit te metejshem rajonal dhe integrimit te shpejte te Shqiperise dhe Maqedonise, ne BE. Ne kete kuader, kryeministri Berisha dhe kryeministri Gruevski, e falenderuan perzemersisht Papandreun per inicimin e ketij takimi, i cili zhvillohet ne 10-te vjetorin e deklarates se perbashket te tre kryeministrave ne 2 shkurt te vitit 2000 per Parkun e Prespes, si dhe rane dakord se takimi i sotem i sherben forcimit te marredhenieve shume te mira miqesore mes tre vendeve dhe popujve fqinje dhe miq. Sipas tyre, ky takim eshte nje kontribut me teper ne sherbim te forcimit te paqes, miqesise dhe bashkepunimit mes tre vendeve dhe popujve, por edhe mbare rajonit. Kryeministrat rane dakord qe nje kopje e deklarates se perbashket dhe angazhimi i marre sot prej tyre t'u dergohet si nje gjest simbolik ne vigjilje te Samitit mbi Ndryshimet klimaterike te Kopenhagenit, Sekretarit te Pergjithshem te OKB-se, Ban Ki Mun, Komisionit Evropian dhe Presidences se radhes se BE-se, si dhe kryeministrit mikprites te Danimarkes.