Greqi, Venizelos, kryetar i ri i PASOK. Papandreu në rrugën akademike
ATHINE - Përfundoi në orën 19:00 votimi për kryetarin e Partisë Socialiste greke, PASOK.
Ende nuk bëhet fjalë për numër votash, por nuk pritet asnjë surprizë dhe mund të thuhet pa asnjë dyshim, se Evangelos Venizelos është kryetari i ri i PASOK, pasi ishte kandidati i vetëm zyrtar që konkurronte për këtë post, duke u bërë kështu lideri i katërt i kësaj force të rëndësishme politike në Greqi.
Pjesëmarrja në votimin e sotëm është vlerësuar më e ulët sesa në vitin 2007, por edhe më e lartë sesa pritej. E thënë në shifra jozyrtare, kanë votuar rreth 170 000-180 000 anëtarë dhe miq të partisë.
Gjatë votimit sot ministri aktual i Financave, Venizelos deklaroi se “Ne jemi duke filluar një përpjekje të madhe për të folur me botën dhe për t’i treguar disa gjëra realisht me gjuhën e sinqeritetit dhe gjuhën e së vërtetës. PASOK duhet të vazhdojë të jetë një shtyllë e stabilitetit dhe faktor për ndryshime."
Shumë shpejt kryetarin e ri të PASOK e pret një sfidë e rëndësishme, pasi me të dhënë dorëheqjen nga posti i ministrit të Financave, Evangelos Venizelos do të përgatisë dhe drejtojë partinë për zgjedhjet e përgjithshme të parakohshme politike, që pritet të zhvillohen për gati një muaj dhe pas kësaj të realizojë aspiratën e tij të dytë e të njohur, ngjitjen në postin e kryeministrit.
Sondazhet e fundit flasin për një rënie të ndjeshme të mbështetjes popullore për PASOK, rënie e cila filloi që nga evidentimi i krizës, marrja dhe zbatimi i masave të ashpra financiare, me qëllim daljen prej saj.
Ish kryetari i partisë Jorgos Papandreu ndërsa votoi sot për pasardhësin e tij, shprehu shpresën se "udhëheqja e ardhshme e PASOK do të ketë përpara një qiell shumë të qartë dhe ditë me diell, pavarësisht nga vështirësitë e shumta që e presin". Ai shtoi se "si një qytetar i zakonshëm" do të bëjë cdo përpjekje për të ndryshuar vendin.
Ndërkaq në një intervistë për BBC, Papandreu rrëfeu se mund t'i hyjë rrugës akademike. Ai mendon të ndërtojë një “Akademi Demokratike”, për të trajnuar politikanët e rinj me parimet demokratike të një vendi ku lindi demokracia”.
PASOK, me kryeministër Jorgos Papandreun, e drejtoi vendin që nga zgjedhjet e 2009-s e deri në nëntor të vitit të kaluar, kur ia la vendin një qeverie koalicioni të drejtuar nga bankieri Lukas Papadhimos.
Ende nuk bëhet fjalë për numër votash, por nuk pritet asnjë surprizë dhe mund të thuhet pa asnjë dyshim, se Evangelos Venizelos është kryetari i ri i PASOK, pasi ishte kandidati i vetëm zyrtar që konkurronte për këtë post, duke u bërë kështu lideri i katërt i kësaj force të rëndësishme politike në Greqi.
Pjesëmarrja në votimin e sotëm është vlerësuar më e ulët sesa në vitin 2007, por edhe më e lartë sesa pritej. E thënë në shifra jozyrtare, kanë votuar rreth 170 000-180 000 anëtarë dhe miq të partisë.
Gjatë votimit sot ministri aktual i Financave, Venizelos deklaroi se “Ne jemi duke filluar një përpjekje të madhe për të folur me botën dhe për t’i treguar disa gjëra realisht me gjuhën e sinqeritetit dhe gjuhën e së vërtetës. PASOK duhet të vazhdojë të jetë një shtyllë e stabilitetit dhe faktor për ndryshime."
Shumë shpejt kryetarin e ri të PASOK e pret një sfidë e rëndësishme, pasi me të dhënë dorëheqjen nga posti i ministrit të Financave, Evangelos Venizelos do të përgatisë dhe drejtojë partinë për zgjedhjet e përgjithshme të parakohshme politike, që pritet të zhvillohen për gati një muaj dhe pas kësaj të realizojë aspiratën e tij të dytë e të njohur, ngjitjen në postin e kryeministrit.
Sondazhet e fundit flasin për një rënie të ndjeshme të mbështetjes popullore për PASOK, rënie e cila filloi që nga evidentimi i krizës, marrja dhe zbatimi i masave të ashpra financiare, me qëllim daljen prej saj.
Ish kryetari i partisë Jorgos Papandreu ndërsa votoi sot për pasardhësin e tij, shprehu shpresën se "udhëheqja e ardhshme e PASOK do të ketë përpara një qiell shumë të qartë dhe ditë me diell, pavarësisht nga vështirësitë e shumta që e presin". Ai shtoi se "si një qytetar i zakonshëm" do të bëjë cdo përpjekje për të ndryshuar vendin.
Ndërkaq në një intervistë për BBC, Papandreu rrëfeu se mund t'i hyjë rrugës akademike. Ai mendon të ndërtojë një “Akademi Demokratike”, për të trajnuar politikanët e rinj me parimet demokratike të një vendi ku lindi demokracia”.
PASOK, me kryeministër Jorgos Papandreun, e drejtoi vendin që nga zgjedhjet e 2009-s e deri në nëntor të vitit të kaluar, kur ia la vendin një qeverie koalicioni të drejtuar nga bankieri Lukas Papadhimos.