Greqi, arrestohet shqiptari për vrasjen e dy bashkëshortëve

Në pranga ra Feta Kaja, 36-vjeç, lindur në Mbrostar të Fierit. Gjykata e Rrethit Gjyqësor Fier, më 27.02.2002, e ka dënuar shtetasin Kaja, me “Burgim të përjetshëm“, për kryerjen e veprave penale të “Vjedhjes me pasojë vdekjen, e kryer në bashkëpunim”.

Shtetasi Feta Kaja, është shpallur fajtor pasi më datën 07.08.1999, në bashkëpunim me dy persona të tjerë, Viktor Pelivani dhe Jurgen Bacja, kanë hyrë me qëllim vjedhjen e parave në banesën ku jetonin shtetasit Bajram Driza dhe Natasha Driza.

Pasi janë diktuar prej këtyre shtetasve në momentin e vjedhjes, shtetasi Feta Kaja ka qëlluar me armë zjarri duke shkaktuar vdekjen e menjëhershme të dy bashkëshortëve. /Start/

                                                                                             2012-02-21 16:52