Greqi, një tërmet 4.0 ballë trondit rajonin e Follorinës

Selanik - Rajoni i Follorinës është goditur mbrëmë nga një tërmet 4.0 ballë i shkallës Riter. Laboratori gjeofizik pranë Universitetit të Selanikut, “Aristotel”, bën të ditur se lëkundjet e këtij tërmeti janë ndjerë edhe në rajonet e Kozhanit dhe Kosturit.

Aktualisht nuk bëhet e ditur për viktima të mundshme apo dëme materiale. Greqia është goditur nga tërmetet edhe verën e kaluar, ku rajoni perëndimor i saj u lëkund shpeshherë për disa ditë rresht.