Greqia shet aksionet e bankës dhe porteve

Greqia do të shkëpusë një pjesë të konsiderueshme të pasurisë shtetërore si pasojë e borxhit të madh që ka. Kështu do të shiten "menjëherë" aksionet e shtetit në shoqërinë telefonike, OTE, në bankën Postbank dhe në portet e Selanikut dhe Pireut, bëri të ditur Ministria e Financave pas një takim krize të kabinetit qeveritar në Athinë.

Vendi ka tani para vetëm deri në mes të korrikut që të plotësojë detyrimet e tij dhe për të paguar rrogat dhe pensionet. Për këtë, Greqia ka nevojë urgjente për këstin e ardhshëm të ndihmave të kombinuara të BE-së dhe FMN-s në shumë prej 12 miliardë eurosh.

Ekspertët e BE-së dhe Fondit Monetar Ndërkombëtar deri tani nuk kanë dhënë asnjë dritë të gjelbër për pagesën. Shefi i grupit euro Jean-Claude Juncker në fundjavë kishte rritur presionin dhe kishte njoftuar Athinën që ndihmat të shoqërohen me një program privatizimi më të ngushtë se deri më tani.