“Greva, jo presion mbi Kuvendin, Kodi ne proces”
Kryetaret e partive te medha reaguan dje per greven e urise, duke vleresuar se kurrsesi nuk mund te perdoret si mjet legjitim per te ushtruar presion politik. Ne Konferencen e Kryetareve, te thirrur dje urgjentisht nga Kryetarja e Kuvendit, Jozefina Topalli per te diskutuar mbi situaten, ku ambientet e Kuvendit jane te bllokuara nga deputetet greviste, kreret e grupeve parlamentare vendosen te presin deri vone, qe deputetet te nderrojne qendrim, e te dalin nga greva. Ne kete menyre, seanca e sotme plenare do te zhvillohet si duhet. Nga ana tjeter, ne mungese te alternativave, Kuvendi po shqyrton ambientet e tjera se ku mund te zhvilloje seancen e sotme, ku kryesore shihet salla ku zhvillohen mbledhjet e grupit parlamentar demokrat. “Cdo tentative per te bllokuar funksionimin e Parlamentit eshte i papranueshem. Ftojme deputetet greviste te respektojne rregullat e demokracise, ligjet e shtetit dhe Rregulloren e Kuvendit te Shqiperise”, reaguan anetaret e Konferences, nepermjet nje deklarate te perbashket. Si per te joshur deputetet greviste te dalin nga ambientet e Kuvendit, kreret e grupeve te tjera parlamentare, u shprehen se ata duhet te gjejne ambiente te tjera per protesten e tyre, me te pershtatshme dhe per qendrimin ne greve. Sipas anetareve, deputetet po e zhvillojne greven ne kushte te papranueshme edhe per shendetin e tyre, ndaj ftohen qe t’i bejne thirrje arsyes dhe pergjegjshmerise se tyre politike. Madje duke shkuar me tej, kreret e grupeve parlamentare qe nuk pajtohen me greven, me ne krye PD-PS theksuan se bisedimet per hartimin e Kodit te ri Zgjedhor, nuk kane perfunduar ende. “Parlamenti eshte institucioni kryesor i kryerjes se reformave dhe se ai eshte vendi i vetem i diskutimit dhe i debatit politik”, u shprehen anetaret, duke i ftuar grevistet te dalin nga greva, pasi procesi eshte ende i hapur ne Komisionin Parlamentar te Reformes Zgjedhore. Kryetaret e grupeve parlamentare verejten se, ne procesin e reformave eshte synuar te perfshihen te gjitha forcat politike dhe se deri tani te gjitha hapat e reformes elektorale jane arritur me konsensusin me te madh te mundshem. “Por procesi nuk mund te pengohet nga askush”, theksuan ata. Rozeta Rapushi