KE: Kodi, Parlamenti, vendi i duhur per debat

Komisioni Evropian keshillon politiken qe ne shqyrtimin e miratimin e Kodit Zgjedhor, te jene te perfshire te gjitha forcat politike. Pa marre persiper barren e komentit mbi greven e deputeteve per Kodin, zedhenesja e KE-se, Christiane Hohman tha dje se Kodi i ri dhe perberja e komisioneve zgjedhore, duhen te miratohen pas nje debati te hapur ne mes te gjitha partive politike, ne menyre qe zgjedhjet e vitit 2009 te mos kontestohen nga askush.“Komisioni Evropian ka mirepritur klimen e dialogut mes partive kryesore politike qe coi ne miratimin e nje sistemi te ri zgjedhor ne Shqiperi. Dhe ne presim miratimin e ketij Kodi Zgjedhor gjitheperfshires dhe transparent qe do te mundesoje zgjedhje te lira dhe te ndershme”, tha Hofman. Sipas saj, ky Kod, duhet te miratohet sa me shpejt te jete e mundur ne menyre qe procesi i zgjedhjeve te zhvillohet nen kushtet e besimit ne mes te gjitha partive politike, dhe rezultati i zgjedhjeve te mos kontestohet. “Ne nuk synojme te nderhyjme ne bisedimet e brendshme teknike qe po zhvillohen aktualisht ne Parlamentin shqiptar, per sa i perket perberjes se Komisioneve zgjedhore. Perberjet duhet te jene subjekt te nje debati te hapur ne Parlament ne mes te gjitha partive politike. Dhe Parlamenti eshte vendi i duhur per debatin dhe per ushtrimin e influences demokratik” u shpreh Hohman.