Greva rendohet gjendja shendetesore
Gjendja shendetesore e grevisteve para dhe tetraplegjike po rendohet gjithnje e me shume. Ne diten e 7-te te greves tre protestues jane detyruar te largohen perfundimisht ndersa 2 te tjere jane ne kushte te renda shendetesore.
Ndonese shendeti i tyre eshte rende ata jane te vendosur te mos dalin nga greva pa u plotesuar kerkesat e tyre. Ndersa Alma Lahe zyrtare prane Ministrise se Punes dhe eshtjeve Sociale tha se kerkesat e grevisteve mund te zgjidhen duke biseduar ne tavoline dhe jo duke u futur ne greve.
Pa plotesimin e kerkesave jeta e tyre do te ishte po aq e veshtire sa edhe brenda mureve te rrenuara ku jane ngujuar per te kaluar ditet e greves. Te ndodhur ne keto kushte ata bejne apel qeverise qe te degjojne zerin e tyre dhe te mos i lene te vuajne ende.
Shpresojme qe nga momenti ne moment te vije vendimi i Keshillit te Ministrave per te nderprere greven perndryshe ne do te qendrojme ketu deri ne veteflijim- u shpreh Mybere Prizreni kryetarja e shoqates se Para dhe Tetraplegjikeve te Shqiperise. Nderkohe ajo thekson se greva e tyre eshte krejtesisht ekonomike pasi nuk i mund te perballojne jetesen dhe se nuk ka asnje karakter politik.
Nderkohe zhvillimi i greves ka perkeqesuar situaten shendetesore te disa grevisteve ku 3 prej tyre tashem jane detyruar te lene perfundimisht ambjentet e greves. Mbreme u largua nje greviste pasi ishte shume rende dhe pati komplikacione ne veshka cka e beri te paperballueshem qendrimin e saj ketu.
Mjeket rekomanduan daljen e e menjehershme nga greva edhe te nje 35 vjecareje e cila mbahet me serume dhe te dy burrave te cilet kane hemoragji ne stomak. Ata nuk pranojne te dalin sepse jane te vendosur per ta vazhduar greven dhe ne nuk i bindim dot thekson Mybere Prizereni.
Te ndodhur ne keto kushte zhvillimi i greves ka perkeqesuar ndjeshem shendetin e para dhe tetraplegjikeve pjesa me e madhe e te cileve jetojne me te ardhurat qe marrin nga ndihma ekonomike.
Shpresa Shpresat mu veniten qe 16 vjecare
Qe kur ishte 16 vjecare do te lidhej njehere e pergjithmone me karriken e invalidit. Ajo rralle e shikon driten e diellit... Tashme Shpresa eshte 36 vjecare por shume pak shpresa shikon ne jeten e saj. Shpresa Spahiu eshte nga Burreli dhe tragjedia e saj eshte shume e dhimbshme sepse asaj i ka vdekur edhe nena edhe babai dhe i vetmi person qe kujdeset per te eshte i vellai.
Duhet te mendoni per ne edhe me shume dhe te pyesni cfare bejme ne jeten e perditshme. Jetoj me familjen e vellait ne katin e katert te nje pallati ne Burrel dhe mund te dal jashte mureve te shtepise maksimumi njehere dy here ne vit. Duhet te dini se kujdestari me 9 mije lek ne muaj nuk na vjen dhe paketa higjieno-sanitare eshte e paperfillshme per nevojat tona.
As mbijetesa nuk mund te sigurohet em pagesen qe marrim thekson Shpresa Spahiu e cila eshte nje nga grevistet qe eshte me rende nga gjendja shendetesore dhe nuk heziton te na tregoje krahet e saj jo vetem te dobet por edhe te nxira tashme nga vigoni qe i vendosin me serum. E ndodhur ne keto kushte ajo ben apel qe te merren masa per plotesimin e kerkesave te tyre per tiu lehtesuar sadopak jetesen e veshtire.