Grevistet: S’levizim nga Kuvendi

Perkeqesohet gjendja shendetesore e deputeteve greviste. Pasditen e djeshme, te ngujuarit ne Kuvend kane pasur nevojen per te marre serume, per te vijuar greven. Sipas zedhenesit te protestes, Dritan Prifti, dy deputete greviste u detyruan te marrin serum, per shkak te problemeve te renduara me shendetin. Ishin deputetet Ymer Tola e Spartak Braho, ata qe kishin me shume probleme shendetesore mbremjen e djeshme. Sipas kontakteve te gazetes “KJ”, me grevistet, deri ne oret e vona situata ishte shqetesuese dhe ankesat sa vijne e shtohen. “Ngrohja nuk eshte si duhet dhe uji qe na sollen po mbaron”, tha per gazeten, Petro Koci. Por problem me i madh, ka dale marrja e nderresave apo batanijeve nga familjaret. Deputeti Prifti theksoi se nuk u lejua nga Garda qe te fuse ne sallen e Kuvendit, disa batanije e nderresa per grevistet. E me keq akoma, nuk u lejua qe te futet as nje aparat per matjen e diabetit, qe nevojitet per nje nga deputetet greviste. Nga rrefimet brenda salles, vetem Jak Ndokaj kishte mundur te conte brenda per grevistet disa batanije si dhe letra qe jane derguar per ta nga simpatizante te ndryshem. “Per te futur dicka ketu, duhet te marresh leje per cdo gje”, u ankua Koci. Me gjithe problemet e shqetesimet ne rritje, kreu i LSI-se Ilir Meta tha se morali i grevisteve eshte i larte dhe as nuk diskutohet qe te mund te lirohet salla e Kuvendit. “Jemi ne krye te detyres, ne jemi ne gjendje te jashtezakonshme, qe nga momenti qe kemi hyre ne greve, sepse Shqiperia eshte ne nje rrezik dhe ne si deputete, detyra na ka kerkuar te jemi ne krye te parandalimit te skenarit te dhunshem per te vjedhur votat e shqiptareve”, tha Meta. Paralel me greven, vijojne jashte ambienteve te Kuvendit edhe protestat e qytetareve, mbeshtetesve te grevisteve, deputeteve e njerez nga fusha te ndryshme ne vend. Madje LSI paralajmeron shtrirjen e protestave dhe ne bote. Sekretari i Pergjithshem i LSI-se, Petrit Vasili paralajmeroi dje se protestat do te nisin edhe jashte vendit. Ne nje podium te improvizuar para dyerve te Kuvendit, Vasili u shpreh se protestat do te vijojne ne mbrojtje te votes se lire dhe te deputeteve ne greve urie. “Per te mos lejuar shkaterrimin e zgjedhjeve, do te zhvillohen neser ne disa nga kryeqytetet e Evropes. Protesta do te zhvillohen perpara selise se OSBE ne Vjene, do te zhvillohen ne Bruksel dhe ne Rome”, tha Vasili. Rozeta Rapushi