Grevistet marrin mbeshtetjen e homologeve te tyre ne bote

Deputeti liberal i Parlamentit te Belgjikes, Denis Ducarme dhe Claude Moniquet, Presidenti i Qendres Strategjike Evropiane per Inteligjencen dhe Sigurine pas takimit qe zhvilluan dje me 10 deputetet greviste u deklaruan pro, kesaj greve ne mbeshtetje te votes se lire. Keshtu pas takimit me deputetet me ane te nje deklarate per shtyp Denis Ducarme dhe Claude Moniquet theksuan se perpjekjet e Partise Demokratike dhe asaj Socialiste per te kontrolluar ne menyre te plote administrimin e zgjedhjeve ne vend, jane te denueshme dhe perbejne nje rrezik te madh per demokracine e brishte shqiptare. Sipas kesaj deklarate, dy partite e medha ne vend PS dhe PD kerkojne te dobesojne edhe pushtetin e partive te vogla parlamentare, nepermjet mekanizimeve te tyre per te kontrolluar administrimin e zgjedhjeve. Dy dite me pare deputeti liberal i Parlamentit te Belgjikes, Denis Ducarme dhe Presidenti i Qendres Strategjike Evropiane per Inteligjencen dhe Sigurine, Claude Moniquet nuk jane lejuar te hyjne ne ambientet e brendshme te Kuvendit, per te takuar deputetet greviste. Ata jane lejuar te takohen me deputetet vetem pasi jane pajisur me nje leje te posacme nga administrata e Kuvendit.