Gripi, 200 raste ne urgjencen e QSUT

Te ftohtet e ketyre diteve ka shtuar ne mase numrin e personave, por kryesisht femijeve, te prekur nga virozat dhe gripi. Gjate ketyre diteve ne urgjencen e Qendres Spitalore Universitare “Nene Tereza” jane paraqitur mbi 200 raste me viroza gripale. Sipas mjekeve, rastet jane me komplikacione te renda dhe kjo per shkak te temperaturave te uleta te ketyre diteve. “Kur ka luhatje te temperaturave dhe kur sidomos ato jane te uleta, si gjate ketyre tri diteve te fundit, vihet re nje fluks me i larte pacientesh”, jane shprehur mjeket e QSUT-se. Gjate dites se shtune jane paraqitur mbi 200 raste me viroza gripale, si dhe me probleme te bronkopneumonise ne kete pavijon. Me te prekurit nga keto viroza jane te moshuarit, te cilet vuajne nga semundje kronike, si dhe femijet e vegjel. Kete te fundit kane qene ne gjendje te rende me bronkopneumoni dhe me temperature te larte mbi 39 grade. Per sa u perket simptomave, ato kane qene te ndryshme te pacientet. Por kryesisht jane shoqeruar me dhimbje te kokes, temperature te larte, problem me frymemarrjen deri ne veshtiresi, bllokim te hundeve dhe kolle te forte. “Mund te themi se pacientet nuk shfaqin te njejtat probleme, ato jane te ndryshme dhe kjo varet te gjendja gripale qe po kalojne. Keshtu te semuret me rende kane temperature te larte dhe kolle te thate”, pohon mjeku Agim Gjikollari.
Ndersa, per sa u perket keshillave, sipas tij, rekomandohet qe te perdoren sa me shume lengje, kryesisht ato me permbajtje portokalli, pasi kane vitaminen qe lufton gripin. Keshillohet edhe marrja e paracetamolit per lehtesimin e dhimbjeve te kokes. Nje tjeter keshille eshte ajo e frekuentimit te ambienteve me ajer te paster, dhe jo frekuentim te kafeneve apo ambienteve ku pihet duhan.

Keshilla
Keshilla me mjekun e familjes
Te perdoren lengje
Keshillohet paracetamoli
Frekuentimi i ambienteve me ajer te paster
Kufizimin e kontakteve ne ambientet kolektive
Higjiene e larte personale