Reshjet e bores, bllokohen rruget nga veriu ne jug

Temperaturat disa grade nen zero kane shfaqur pasojat e para. Gjate dites se djeshme jane raportuar rruge te bllokuara ne te gjithe vendin, per shkak te reshjeve te bores. Keshtu, reshje debore jane shenuar madje edhe ne zonat bregdetare, e me konkretisht ne Vlore, ndonese ne mase jo te madhe. Me shume debore ka rene ne zonen e Nartes, ne kodrat e Shashices dhe ne Kanine. Nderkaq, sasi me e madhe reshjesh eshte konstatuar ne zonat veriore. Keshtu, Qarku i Kukesit eshte perfshire prej mbremjes se djeshme nga temperatura mjaft te uleta qe kane arritur deri ne -7 grade celsius, temperatura keto te shoqeruara me reshje debore, gje qe ka krijuar veshtiresi te ndjeshme ne levizjen e mjeteve ne akset kryesore rrugore. Aksi rrugor Morine-Kukes -Qafe Mali, eshte i kalueshem, por qarkullimi i mjeteve veshtiresohet nga shtresat e akullit. Automjetet duhet te levizin me zinxhire, ndonese ne trasene e rruges po hidhen sasi te konsiderueshme skorieje. Pothuajse e njejta situate paraqitet dhe ne akset rrugore Kukes-Krume, Kukes-Shistavec dhe Kukes-Peshkopi, ku per shkak te ererave, ne segmente te vecanta, evidentohen grumbullime te bores, ndersa 4 borepastruese jane perqendruar ne segmentet me problematike. Ne Tropoje veshtiresi ka ne rrugen Krume-Bajram Curri, Qafe Mali-Fierze, problematik paraqitet aksi Bajram Curri-Kosove, ku nuk hidhet skorie apo kripe. Veshtiresi ne rruge per shkak te ngricave ka ne rrethin e Pukes ne segmentet Qafe Qele-Puke, Puke-Fushe Arrez, Fushe Arrez -Qafe Mali-Kukes, Qafe Bene-Fushe Arrez, ku kerkohet hedhja e skorieve dhe kripes. Ngricat paraqesin veshtiresi dhe ne rrethin e Korces vecanerisht ne akset Kolonje-Leskovik, Korce-Vithkuq dhe Korce-Dardhe. Megjithate, emergjencat civile paraqiten te gatshme ne raste kur rruget bllokohen ne mase te madhe.