“Te rinjte, pre e semundjeve te zemres”

Sonila Isaku
Nese nje i ri gjen vdekjen nga semundjet kardiovaskulare, per mjeket, kjo tashme nuk perben ndonje habi, per vete faktin se gjate ketyre viteve te fundit vihet re nje shtim i ketyre rasteve. Mjeket kardiologe te Qendres Spitalore Universitare “Nene Tereza” pohojne se shume prej pacienteve te shtruar ne pavijonet e kardiologjise jane te moshave 30 deri ne 50 vjec. Edhe rasti me i fundit ne qytetin e Fierit, ku nje 25- vjecare gjeti vdekjen, per mjeket kardiologe eshte shume i njohur. “C’eshte e verteta, mund te them se jane shtuar shume rastet e moshave te reja edhe ne periudhen e funksionit normal te hormoneve, ne moshen mbi 30 vjec. Ne klinikat tona jane shtuar paciente me infarkt miokardi ne gjendje kritike, edhe ne mosha te reja, te cilat perbejne nje kercenim serioz”, shprehet mjeku kardiolog, prof. dr. Spiro Qirko. Sipas tij, ketu nuk eshte vetem problemi hormonal kryesor, ne keto raste ka shume faktore te tjere qe ndikojne.
Shfaqjen e semundjeve kardiake, sipas mjekeve, e ndihmojne shume edhe semundjet e dyta, si dhe faktore te ndryshem. Nje nga semundjet kryesore qe shkakton probleme ne zemer eshte mos kurimi i hipertensionit. Ndersa ne faktoret e riskut eshte duhani, i cili eshte shtuar relativisht te grate dhe perben nje nga faktoret me kercenues per semundjet koronare per infarktet. “Nga studimet e kryera deri me tani, ne nuk kemi shifra te sakta te numrit te personave qe vdesin nga semundjet koronare. Por ajo qe mund te themi eshte se ka nje prirje vetem ne rritje e siper”, pohon Qirko.
Thelbi i konferences te zhvilluar dje nga mjeket kardiologe ka qene studimi i semundjeve kardiovaskulare te grate, ku mendohet se 40 per qind prej tyre vuajne nga keto semundje. Bluzat e bardha e kane cilesuar kete si nje problem, i cili vjen duke u rritur nga dita ne dite. “Statistikat e ketyre viteve te fundit kane evidentuar te kunderten per faktin se grate pas periudhes se menopauzes dhe pas saj kane nje rritje teper te ndjeshme te aksidenteve kardiovaskulare”, pohojne mjeket. Sipas tyre, kjo rritje vjen nga nenvleresimi qe grate u bejne faktoreve te rrezikut si dhe semundjeve te tjera.
Rritja e rasteve nga hipertensioni
Rreth dy te tretat e femrave, qe vuajne nga semundjet kardiovaskulare, nuk trajtohen, si dhe vdekshmeria e tyre eshte dy here me e larte se e burrave nga keto semundje. Mjeket kardiologe japin alarmin se semundjet e zemres, te ndikuar edhe nga faktore si diabeti, hipertensioni, duhani apo mbipesha, po e kalojne rekordin qe mbanin meshkujt. Po keshtu, femrat mbajne edhe numrin me te madh te vdekjeve nga semundjet kardiovaskulare. “Nje nga faktoret me te rendesishem te rrezikut eshte hipertensioni, diabeti si dhe duhani dhe mungesa e aktivitetit fizik. Por, ajo qe eshte e rendesishme eshte se vetem nje pjese e vogel e popullates qe vuan nga hipertensioni kurohet plotesisht”, ka pohuar mjeku kardiolog, prof. dr. Artan Goda. Sipas tij, mjekimi dhe kontrolli i hipertensionit ndodh vetem ne 30 per qind te te semureve. Ketu u kerkohet nje kujdes shume i vecante mjekeve te familjes qe te bindin te semuret per ate qe duhet bere si ne ambientin mjekesor ashtu edhe ne ate jo mjekesor.