Gruaja e Ardian Klosit i drejtohet gjykatës për trashëgiminë e publicistit

Jutta Benzenberg, gruaja e publicistit të ndjerë, Ardian Klosi, i është drejtuar Gjykatës së Tiranës për të trashëguar pasurinë e publicistit. Lajmin e bën të ditur e përditshmja Panorama. Benzenberg ka depozituar më 6 shtator padinë për lëshim të dëshmisë së trashëgimisë ligjore për trashëgimlënësin Ardian Klosi.

Mësohet se një akt i tillë ndërmerret kur personi në fjalë nuk ka lënë një testament.

Përveç pasurive të patundshme si vila ku jetonte, Benzenberg do të marrë trashëgim edhe të drejtat e autorit për botimet e përkthimet që realizoi.

Disa kohë më parë gazeta Panorama pati publikuar një lajm, ku thuhej se Benzenberg ka nxjerrë në shitje vilën ku banojnë, diku në periferi të Tiranës.