Grupi Alpha Bank deklaron fitim neto prej 392 milione euro
Grupi i Alpha Bank ne Greqi deklaroi keto dite rezultatet per vitin 2009 duke raportuar nje fitim neto prej 392 milione euro. Yannis S. Costopoulos, Presidenti i Grupit theksoi faktin se ne vitin 2009, Alpha Bank u perball me sfidat e ambientit ekonomik me largpamesi dhe kompetence". Sipas tij, suksesi i leshimit te te drejtave me vlere ne shumen prej 982 milione euro, ka forcuar ndjeshem bilancin si dhe ka rritur besimin tone per te perballuar ndikimin e kushteve te vazhdueshme te veshtira makroekonomike ne tregun grek. "Prezantimi i nje programi te rrepte per konsolidimin fiskal mund te ndikoje negativisht ne rritjen per nje afat te shkurter, por ne jemi te sigurt qe do te sjelle perfitime afat mesme te perhershme per ekonomine greke dhe per perspektivat tona te biznesit ne te gjithe Evropen juglindore", - u shpreh z. Costopoulos.
Persa i takon Shqiperise, depozitat arriten vleren e 375 milione euro dhe kreditimi u rrit duke kapur nje vellim portofoli prej 335 milione euro. Fitimi neto ne fund te vitit 2009 shenoi vleren e 6.481 milione euro. Alpha Bank ne Shqiperi operon me 47 dege ne te gjithe vendin, dhe gjithashtu ka prezence ne qendra te rendesishme tregtare te ngritura kohet e fundit. Nje rrjet prej 62 bankomatesh dhe mbi 1,100 aparate te pranimit te pagesave me karte mbeshtesin biznesin e kartave te debitit dhe te kreditit. Gjate 2009, banka rriti bazen e saj te klienteve individe dhe biznese me 58%. Kredite per individet dhe biznesin e vogel paten rritje, dhe po ashtu depozitat e ketij segmenti (19%), krahasuar me fundvitin 2008.
Fokusi kryesor i bankes per 2010 eshte biznesi me pakice, me vemendje te fuqishme tek sherbimi i shkelqyer ndaj klientit, produkteve te pershtatur per konsumatorin dhe hyrja e tyre me lehtesi ne te gjitha kanalet e shperndarjes.
Z. Mantzounis, Drejtori i Pergjithshem Ekzekutiv i Alpha Bank deklaroi se "ne fillim te 2010, qellimi yne kryesor eshte te adresojme ndikimin afatshkurter te krizes se borxhit te qeverise greke ne fonderimin tone marzhinal". "Ne gjithashtu duhet te drejtojme me efikasitet efektet e masave te rrepta qe Qeveria Greke ka ndermarre, te cilat mund te ulin mundesite e klienteve per te permbushur detyrimet e tyre per shlyerjen e kredive", - ka vijuar z. Mantzounis. "Keto dy vitet e fundit, - vuri ne dukje ai, - i eshte dhene fokus kryesor forcimit te bilancit te Bankes, gje qe na ka vendosur ne pozita vecanerisht te forta per te perballuar keto sfida". "Prezantimi i masave shtese per te konsoliduar bazen e kostos, duhet te ruaje fitueshmerine per kete vit ne pritje te normalizimit te spredit per borxhet e qeverise, te cilat nga ana tjeter do te sjellin nje perfitim te menjehershem per biznesin tone", - perfundoi z. Mantzounis.