KLSH, bashkepunim i dobet me prokurorine

Kryetari i KLSH-se vleresoi si korrekte marredheniet me te gjitha institucionet buxhetore, ndersa vecoi ate te prokurorise, qe sic u shpreh ai, "prokuroria sjell argumente mjaft te dobeta, per pushimin e ceshtjeve te raportuara nga KLSH dhe se prokuroret kane njohuri te pakta ne fushen ekonomike, duke bere qe procedurat te jene shume te ngadalta". Ceku tha se mbetet problem emerimi i auditoreve te brendshem nga ministrat dhe se duhet gjendur nje mekanizem qe keta te jene te pavarur. Demi ekonomik i shkaktuar nga parregullsite ligjore per vitin 2009 ne buxhetin e shtetit, llogaritet ne 7.3 miliarde leke. Kryetari i Kontrollit te Larte te Shtetit, Robert Ceku, deklaroi te henen ne Komisionin Parlamentar te Ekonomise, gjate diskutimit te raportit per vitin 2009, se nga 150 kontrolle te ushtruara gjithsej eshte evidentuar nje dem ekonomik shkaktuar buxhetit te shtetit ne vleren prej 7.3 miliarde leke. "Ne kemi rekomanduar qe zhdemtimi i ketij demi shkaktuar ne buxhetin e shtetit te jete ne masen 110%", deklaroi Ceku duke shtuar se, "jane bere 9 kallezime penale ne prokurori per 27 persona, per nje dem prej 1.9 miliarde lekesh". Sipas tij, demi me i larte rezulton ne fushen e shitjes se pasurive te objekteve shteterore me vlere 3.1 miliarde leke, ne tatim-taksa me vlere 2.5 miliarde leke, ne prokurimet publike llogaritet nje dem prej 400 milione leke, ndersa ne dogana llogaritet nje dem prej 300 milione lekesh. Per sa i takon abuzimeve me fondet buxhetore ne zerin e shperblimeve, demi llogaritet ne 234 milione leke, ndersa ne zerin e pagave, sipas Cekut, demi llogaritet 22 milione leke.