Grupi i PD, pa kundershtime per kerkesen "Rama"

Grupi parlamentar i Partise Demokratike pritet te dale neser me nje vendim per heqjen e imunitetit te ish-ministrit te Mbrojtjes Fatmir Mediu. Nje prej deputeteve demokrat, Prec Zogaj tha dje per "Koha Jone", se ne mbledhjen e grupit nje nga ceshtjet qe do te diskutohen do te jete kerkesa e Prokurorise se Pergjithshme per te zhveshur nga imuniteti i deputetit, aleatin republikan, Mediu. Kjo kerkese duket se nuk ka shqetesuar shume te djathtet ne pushtet, dhe pse Mediu eshte aleati kryesor i PD-se per nga numri i madh i deputeteve. Perkundrazi, sipas Zogaj, ne grup pritet te dilet me vendim per ti dhene mundesi prokurorise te hetoje lirisht, pa imunitet Mediun. "Do te veprohet si ne rastin e ish-ministrit te Transporteve Lulezim Basha. Kemi nje precedent keshtu qe pasi ta shqyrtojme besoj do i hapet rruge prokurorise qe te kryeje hetimet", u shpreh Zogaj. Vetem pak muaj me pare, demokratet dhane "Ok" e tyre per t'i hequr imunitetin Ministrit aktual te Jashtem Basha per tenderin e rruges Durres-Kukes. Kerkese e cila u be nga ish kryeprokurori Theodhori Sollaku ne kohen kur ne Kuvend po kryhej hetim parlamentar per te. Pas disa mbledhjes e me konsensus demokratet vendosen te japin voten e tyre, per ti hequr imunitetin ministrit te tyre, i cili ende vazhdon te jete nen proces hetimi. E njejta gje pritet te ndodhe dhe me kreun republikan Mediu. Te djathtet jane shprehur pro deri me sot heqjes se imunitetit qe pengon Prokurorine e Pergjithshme te kryeje hetimet e nevojshme mbi tragjedine e Gerdecit.