Guantanamo nuk do të mbyllet në janar

Burgu famëkeq i Guantanamos nuk do të mbyllet në janar të vitit 2010, ashtu siç ishte paralajmëruar nga administrata amerikane. Lajmin e ka bërë të ditur vetë presidenti amerikan Barack Obama, në një intervistë për "Fox News", gjatë të cilës nuk ka dhënë një datë për mbylljen.
"Shtyrja e mbylljes vjen si pasojë e vështirësive teknike për të transferuar të burgosurit. Mbyllja e strukturës është teknikisht e vështirë", ka pohuar Obama.