BE ultimatum Maqedonisë: Të zgjidhet konstesti i emrit

Bashkimi Evropian i ka bërë thirrje qeverisë maqedonase që të shfrytëzojë javët e ardhshme për të zgjidhur kontestin e emrit. Ky paralajmërim dhe ultimatum është lëshuar nëpërmjet zyrës së BE-së në Shkup. Sipas zyrtarëve evropian, çështja e zgjidhjes së emrit po ndiqet me interes të madh për Maqedoninë, prandaj BE ka vlerësuar se qeveria duhet të shfrytëzojë javët në vijim për të zgjidhur këtë problem me Greqinë.
Deri më tani Komisioni Evropian dhe zyra e komisionerit për zgjerim Olli Rehn kanë mbetur në heshtje dhe nuk kanë bërë thirrje për të inkurajuar sërish palët për çështjen e gjetjes së një zgjidhjeje.