Guardiola: Nuk dua kontratë afatgjate

Trajneri i Barcelonës, Pep Guardiola, ka deklaruar se ai shfaq më të mirën si trajner kur nuk ka kontratë afatgjate.

“Çdo ditë mendoj se mund të largohem ditën e ardhshme. Punoj më mirë kur e di se e kam këtë liri për të vendosur për të ardhmen time”.

“Ka rrezik që ju të humbni pasionin për atë që bëni kur nënshkruani kontratë afatgjate. E gjitha është te pasioni. Pasuria më e madhe që dikush mund ta ketë është të bëjë diçka që vërtet ju pëlqen. Kjo është esenca për gjithçka sipas mendimit tim”, ka thënë Guardiola për Sport.